Երեւանցի մարմնամարզիկ Վահան Վարդանյանը Սինգապուրի պատանեկան օլիմպիական խաղերում ընդհանուր հաշվարկով եզրափակիչում զբաղեցրել է 8-րդ տեղը: Հայ պատանին իր լավագույն արդյունքները ցույց է տվել օղակների վրա եւ հենացատկում: Օղակներով վարժությունում նա 14 միավորով ուկրաինացի Օլեգ Ստեպկոյի եւ բրիտանացի Սեմ Օլդհեմի հետ բաժանել է 3-րդ տեղը: Ընդհանուր հաշվարկում առաջինն է ճապոնացի Յույա Կամոտոն, երկրորդը` Ստեպկոն, իսկ երրորդը` չինացի Քսիաոդոնգ Ժուն: Ամսի 21-22-ը կկայանան առանձին վարժությունների եզրափակիչները: