Տեսանյութեր
Լուսանկարներ
Ադրբեջանը թույլ չի տվել մտնել իր օդային տարածք
Ադրբեջանը երեկ հրաժարվել է իր օդային տարածքի օգտագործման թույլտվություն տրամադրել Աֆղանստանից Երեւան ուղեւորվող գերմանական ինքնաթիռին: ՆԱՏՕ-ի` Աֆղանստանի անվտանգության ապահովման միջազգային ուժերի գործողությունների համար փոխադրումներ կատարող մարդատար ինքնաթիռը, որը 20:30-ին պետք է Երեւան տեղափոխեր Կոնդուզի նահանգում գերմանական հրամանատարության ներքո ծառայությունն ավարտած հայ խաղաղապահների հերթափոխը, հարկադրված է եղել մեկնել Քյոլն:
ՀՀ ՊՆ-ում այս միջադեպը գնահատվել է որպես Աֆղանստանում ՆԱՏՕ-ի ուժերի մատակարարման գործընթացը խոչընդոտելու, ինչպես նաեւ դեպի Աֆղանստան փոխադրումների համար ՀՀ օդային տարածքի եւ օդանավակայանների օգտագործման հնարավորությունները սահմանափակելու փորձ:
ՊՆ-ում քննարկվում է համարժեք քայլեր ձեռնարկելու, մասնավորապես Բաքվում վայրէջք կատարող ռազմական նշանակության բեռներ տեղափոխող ինքնաթիռներին ՀՀ օդային տարածքի օգտագործման թույլտվություն չտալու հարցը, թեեւ նախկինում ՀՀ-ն բաց է պահել իր օդային տարածքը` Թուրքիայից դեպի Ադրբեջան, իսկ այնուհետեւ Աֆղանստան մեկնող եւ վերադարձող ինքնաթիռների համար:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել