Փոխվարչապետ, տարածքային կառավարման նախարար Արմեն Գեւորգյանը ՏԿՆ ջրային տնտեսության պետական կոմիտեի նախագահ Անդրանիկ Անդրեասյանի ուղեկցությամբ այսօր այցելել է Կոտայքի մարզ, ծանոթացել Համաշխարհային բանկի Ջրամբարների անվտանգության ծրագրի շրջանակում իրականացվող Մարմարիկի ջրամբարի շինարարական աշխատանքների ընթացքին: Ջրամբարի կառուցման աշխատանքները մեկնարկել են 2006թ-ին: Ջրամբարը կունենա շուրջ 24 մլն խմ ջուր կուտակելու հնարավորություն, ինչը թույլ կտա ոռոգել Կոտայքի մարզի եւ Արարատյան դաշտավայրի մոտ 1200 հա տարածք: Ինչպես հայտնում են ՏԿՆ հասարակայնության հետ կապերի բաժնից, փոխվարչապետին տեղեկացրել են, որ աշխատանքներն ընթանում են ողջ ծավալով եւ արդեն ավարտական փուլում են: Եղանակային բարենպաստ պայմանների դեպքում դրանք կավարտվեն նախատեսված ժամկետներում: