WikiLeaks կայքի հիմնադիր Ջուլիան Էսանջին առաջադրվել է բռնաբարության հոդվածով մեղադրանք: Շվեդական Expressen թերթը գրել է, որ ոստիկանություն են դիմել 20 եւ 30 տարեկան երկու կին, որոնք հայտնել են Էսանջի կողմից իրենց նկատմամբ սեռական ոտնձգության մասին: Մեղադրյալի տեղն անհայտ է, եւ մեղադրանքն առաջադրվել է հեռական կարգով: WikiLeaks կայքը վերջերս մեծ աղմուկ հանեց այն բանով, որ հրապարակեց Աֆղանստանում ՆԱՏՕ-ի գործողությունների մասին բազմաթիվ գաղտնի փաստաթղթեր: