Այսօր առավոտյան 73 տարեկան հասակում մահացել է ՀՀ ժողովրդական արտիստ, պետական մրցանակի դափնեկիր, «Մովսես Խորենացի» պետական շքանշանի ասպետ Վլադիմիր Մսրյանը: Նա վերջին շրջանում տառապում էր արյան քաղցկեղով: Իտալական մամուլը ճանաչել էր նրան «բոլոր ժամանակների ու ժողովուրդների լավագույն Պագանինի»` 27 տարի առաջ նկարահանված «Նիկոլո Պագանինի» 4 սերիայից բաղկացած ժապավենում խաղացած գլխավոր դերի համար: 1970 թվականից նա հանդես էր գալիս Դրամատիկական թատրոնի բեմում: