ՀՀ բնապահպանության նախարարության մամուլի ծառայությունը տեղեկացնում է,  որ նախարարի հանձնարարականով ՀՀ տարածքում  սիրողական որսաշրջանի բացման հետ կապված խստացվել է վերահսկողությունը, ինչպես նաև լրացուցիչ տեսչական  խումբ է ուղղարկվել Արայի լեռ երեկ հրապարակված տեղեկատվության հետքերով: ՀՀ ԲՆ բնապահպանական պետական տեսչության կողմից ՀՀ որսահանդակներում վերջին հինգ օրերի  ընթացքում հայտնաբերվել է ապօրինի որսագողության (լորի ու կաքավի) վեց դեպք: Օրինախախտներից  առգրավվել է զենքերը, իրականացվում է վարչական վարույթ, ինչից հետո կկիրառվի պատժամիջոց և  կվերականգնվի բնությանը պատճառած վնասը: