Տեսանյութեր
Լուսանկարներ
Վարակակիր խոհարարի հետևանքները
Վերջերս Հրազդանի կիրճում գտնվող «Գաղամա» ռեստորանային համալիրում կայացած մի հարսանիքի ժամանակ շուրջ 35 մարդ թունավորվել էր: Հենց ռեստորանից հիվանդանոց էին տեղափոխվել հարսն ու փեսան, քավորը և շատ հարսանքավորներ:
«ՉԻ» իրազեկ աղբյուրներից տեղեկացանք, որ քննիչ Ռաֆայել Գևորգյանի վարույթում գտնվող այս գործի քննության ընթացքում բժշկական մանրազնին քննության են ենթարկվել ռեստորանի խոհարարն ու մատուցողները: Նույն տեղեկությունների համաձայն` զննության արդյունքում ռեստորանի խոհարարի մոտ հայտնաբերվել է ոսկեգույն ստաֆիլակոկ տիպի վիրուսային ինֆեկցիա:
Եվ սա բացահայտվել է ոչ թե խոհարարի աշխատանքի ընդունվելուց առաջ, ինչը պետք է արվեր, այլ հետո, երբ բազմաթիվ մարդիկ վարակվել են: Սա նշանակում է, որ այդպիսի լուրջ օբյեկտներ կառուցողների համար կարևորը միայն փող աշխատելն է, այլ ոչ որակյալ ծառայություն մատուցելը:
Հավելենք, որ այս ռեստորանը պատկանում է ՀՀ ՊՆ Ռազմական ոստիկանության վարչության պետի տեղակալ Ռազմիկ Խանզրադյանին: Մարդ, որը պարտավոր է գործել բացառապես օրենքների շրջանակներում` լինելով իրավապահ կառույցի բարձրաստիճան պաշտոնյա: Սակայն մեզանում ամեն ինչ, ինչպես միշտ, հակառակն է:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել