Պորտուգալիայում սեռական բռնության գործով դատավարությունը, որը տևել է մոտ վեց տարի, արդեն մոտենում է իր ավարտին: Վեց չափահաս մարդիկ, այդ թվում ազգային հեռուստատեսության աստղ, պաշտոնաթող դեսպան և մի կին մեղադրվում են անչափահասներին սեռական չարաշահումների ենթարկելու և Լիսաբոնում գտնվող ”Casa Pia” մանկատանը պեդոֆիլիայի շրջան ստեղծելու մեջ: “Casa Pia”-ն 230 տարի գործող հաստատություն է, որը հոգ է տանում մոտ 4500 կարիքավոր երեխաների մասին, որոնց մեծ մասն ապրում է մայրաքաղաքի շուրջ գտնվող հանրակացարաններում: Զոհերից շատերը չեն հայտնել իրենց հանդեպ բռնությունների մասին` վախենալով պատժվելուց: Այժմ 22-ամյա Տեիքսիեռան, ով այս բռնությունների շարքի զոհն է, գրել է մի գիրք «Ինչու՞ հենց ես»  (“Why me?”) վերնագրով, որտեղ մանրամասնորեն պատմում է, թե ինչպես է դարձել սեռական բռնությունների զոհ: Մեղադրյալները հերքում են իրենց մեղավորությունը` պնդելով, որ թյուրիմացություն է տեղի ունեցել: «Անգամ եթե նրանց պատժեն, հիշողությունները երբեք չեն վերանա, դրանք ինձ հետ կմնան»,- ասում է Տաիքսիեռան: