Մոսկվայում ընթացող ըմբշամարտի աշխարհի առաջնությունում 74 կգ-ային հունահռոմեական ոճի ըմբիշ Արսեն Ջուլֆալակյանը, որը նաեւ Եվրոպայի գործող չեմպիոնն է, գերազանց է հանդես գալիս: Օլիմպիական չեմպիոն Լեւոն Ջուլֆալակյանի որդին այսօր, հաղթելով արգենտինացի Բարիոյին, սլովենացի Կուհարին եւ ղրղըզ Կոբոնովին, մտել է եզրափակիչ, որտեղ մրցելու է թուրք Սելջուկ Չեբիի հետ: 23-ամյա Ջուլֆալակյանի համար սա աննախադեպ հաջողություն է: Պետք է նշել, սակայն, որ նրա մրցակիցն էլ բավականին ուժեղ է: Թուրք Չեբին աշխարհի 2009 թ. չեմպիոնն է: Հավելենք, որ մեր հունահռոմեականները նվաճել են 1-ական արծաթ եւ բրոնզ: Արսենից սպասելիքներն անչափ մեծ են: