Սեպտեմբերի 8-ին ոստիկանության Կենտրոնականի բաժնում հաղորդում է ստացվել, որ ժամը 16.30-ին 1980 թ. ծնված Արման Ն.-ն իր վարած «ԲՄՎ X-5» մակնիշի ավտոմեքենայով Արշակունյաց պողոտայի թիվ 15 շենքի մոտ վրաերթի է ենթարկել 1944 թ. ծնված Ալվարդ Խալաթյանին, որը մարմնական վնասվածքներով տեղափոխվել է «Էրեբունի» Բ/Կ: Նույն օրը, ժամը 19.30-ին, Ա. Խալաթյանը, գիտակցության չգալով, հիվանդանոցում մահացել է: Ոստիկանության կայքէջը տեղեկացնում է, որ կատարվում է նախաքննություն: