Տեսանյութեր
Լուսանկարներ
Դանակը ձեռքին
Ոստիկանության Չարենցավանի բաժնում մահացած Վահան Խալաֆյանի գործով ամբաստանյալ Աշոտ Հարությունյանը երեկ հայտարարել է, որ սպանության գործիք դանակը դեպքից հետո եղել է մյուս ամբաստանյալի` Մորիս Հայրապետյանի ձեռքին:
Հայտարարությունը հնչել է երեկ Կոտայքի մարզի ընդհանուր իրավասության դատարանում շարունակված դատի ժամանակ: Խալաֆյանի մահվան պատճառ դարձած միջադեպի ժամանակ Հարությունյանը եղել է ոստիկանության Չարենցավանի բաժնի քրեական հետախուզության բաժանմունքի պետը, իսկ Մորիս Հայրապետյանը` նրան ենթակա օպերլիազոր:
Խալաֆյանի մահվան համար հիմնական մեղադրանքն առաջադրված է հենց Հարությունյանին: Իսկ նրա մեղադրանքի հիմքում դրված են Մորիս Հայրապետյանի ցուցմունքները, որը եւս 2 օպերների հետ մեղադրվում է իր վերադասի հանցավոր գործողությունները չկանխելու մեջ:
Աշոտ Հարությունյանը երեկ ասել է նաեւ, որ Խալաֆյանին բերման ենթարկելու արձանագրությունը Մորիս Հայրապետյանը կազմել է երիտասարդի մահվանից հետո: «Թող Մորիսն ասի` ով է իրեն կանչել իր կաբինետ եւ հանձնարարել հետին թվով արձանագրություն կազմել»,- հայտարարել է Հարությունյանը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել