Տեսանյութեր
Լուսանկարներ
Կանչել եք, վճարեք
Նախօրեին ՀՀ կառավարությունը որոշել է մոտ 33,6 միլիոն դրամ հատկացնել` «ՌԴ զորամիավորումների հասցեով միջպետական ռազմական փոխադրումներ իրականացնող օդանավերի» սպասարկման ծախսերը փոխհատուցելու նպատակով:
«ՉԻ» - Պարզ ասած` Ռուսաստանից ինչ-որ բեռներ են տեղափոխվում Հայաստանում տեղակայված ռուսական ռազմաբազաներ, բայց գումարը մենք ենք տալիս: Դե, իհարկե, ռուսները փող չունեն իրենք իրենց ռազմական փոխադրումների ծախսերը հոգալու համար:
Ի դեպ, Օսմանյան Թուրքիայում այսպիսի մի կարգ կար. թուրք չինովնիկն ուզած պահին մտնում էր որեւէ քրիստոնյայի (որպես կանոն` հայի) տուն, պահանջում, որ իրեն կերակրեն, իսկ վերջում անպայման պահանջում էր, այսպես կոչված` «դիշ քարիսի»` ատամի վարձ: Չէ՞ որ ուտելու ընթացքում նրա ատամներն աշխատել են, իսկ ցանկացած աշխատանք պետք է վարձատրվի:
Բարեբախտաբար, ժամանակները փոխվել են. Հայաստանն այսօր անկախ պետություն է: Եվ ոչ մեկն ատամի վարձ չի պահանջում. նախընտրում են կանխիկ փողը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել