Քաղբանտարկյալ Սասուն Միքայելյանի առողջական վիճակը շարունակում է խիստ մտահոգիչ մնալ: Նա շաբաթը մի քանի անգամ սրտի տագնապ է ունենում, գլխացավերը ճակատային հատվածում մշտական են, իսկ մի ոտքն արդեն անաշխատունակ է դարձել: Երեկ «ՀԺ»-ին հայտնի դարձավ, որ Միքայելյանի սրունքի տակ ոսկոր է աճում (ի թիվս պատերազմի ժամանակ ստացած բազմաթիվ բեկորային վնասվածների` նրա ոտքի այդ հատվածը ևս վնասվել էր), և բժիշկները նշել են, որ աճող ոսկերը պետք է հեռացվի լազերային ճանապարհով: Քաղբանտարկյալը, որն այժմ գտնվում է դատապարտյալների հիվանդանոց ՔԿՀ-ում և անազատության մեջ գտնվելու ընթացքում 3 անգամ վիրահատության է ենթարկվել` մի անգամ գլխի շրջանում, 2 անգամ` սրտի, 4 ամսվա ընդմիջումից հետո` անցյալ շաբաթվա վերջին, տարվել է «Էրեբունի» հիվանդանոց: Հետազոտվել է միայն գլխի շրջանը: Պատասխանը կստացվի, ամենայն հավանականությամբ, այսօր: