Սկզբնական մասում եղել է 11 հատ ծառահատում, որ նշված է հատուկ կնիքով: Արձանագրված ծառահատումներ են եղել արդեն: Ու դրանից հետո որ մի քիչ խորանում էինք, արդեն մասսայական ծառահատումներ էին: Ձախ կողմում մեր խումբը հայտնաբերեց 88 ծառահատում: Արձանագրվել է, աջ կողմում մյուս խումբն արձանագրել է 28 ծառ, ընդամենը` 116: Բայց տեխնիկապես ու ֆիզիկապես հնարավոր չէր շարունակել, որովհետև այդ տարածքն ուսումնասիրելը շատ դժվար էր, ժամանակի հետ կապված նաև: Դա է պատճառը, որ քիչ է արձանագրվել, շատ-շատ էին ծավալները: Եթե գնայինք մեքենայի ճանապարհով, որ կողմը որ տանում էր, ավելի շատ ծառ կգտնեինք: Կոնկրետ Երևանից եկած մոնիթորինգի խմբի անդամները բացատրեցին, որ իրենց աշխատանքային պարտականությունների մեջ չի մտնում, որ հատ-հատ անեն էդ գործը, ուղղակի որ հավաքվել էինք, հատ-հատ արվեց, որ թիվ ունենանք հստակ, որ արդեն կարծիք կազմվի, պատկերացում կազմվի, տեղանքի ուսումնասիրություն կատարվի, դրանից հետո, ասացին, ուրիշ վարչություն կզբաղվի: Հելսինկյան քաղաքացիական ասամբլեայի Վանաձորի գրասենյակի աշխատակից Սուրեն Անանյան