Օրերս ինտերնետ ցանցում հայտնված զինծառայողների միջև ոչ կանոնադրական փոխհարաբերությունների վերաբերյալ տեսանյութի առթիվ պաշտպանության նախարարությունից իրազեկում են, որ դեպքի բոլոր մասնակիցները բացահայտվել են և բերման են ենթարկվել ՀՀ ՊՆ ռազմական ոստիկանություն: Դեպքի կապակցությամբ նախապատրաստված նյութերը ՊՆ ռազմական ոստիկանության կողմից այսօր փոխանցվել են ՀՀ զինվորական դատախազություն: Հարուցվել է քրեական գործ: «Դեպքի մանրամասների մասին կհաղորդենք առաջիկայում»,- նշում են ՊՆ տեղեկատվության և հասարակայնության հետ կապերի վարչությունից: