Ըստ ՀՀ ոստիկանության օպերատիվ հաղորդագրությունների ամփոփագրերի` սեպտեմբերի 15-ից 22-ն ընկած ժամանակահատվածում հանրապետությունում արձանագրվել է սպանության մեկ դեպք, որը բացահայտվել է: Արձանագրված գողության 42 դեպքից բացահայտվել է 18-ը, մարմնական վնասվածք հասցնելու 59 դեպքից` 53-ը, կողոպուտի 7 դեպքից` 5-ը, խարդախության 19 դեպքից` 17-ը: Նախկինում կատարված հանցագործություններից բացահայտվել է գողության` 10-ը, կողոպուտի, խուլիգանության ու խարդախության 1-ական դեպք: Անցած շաբաթվա ընթացքում հանրապետությունում արձանագրվել է ճանապարհատրանսպորտային 55 պատահար, ինչի հետևանքով 6 մարդ զոհվել է, 93-ը` ստացել տարբեր աստիճանի մարմնական վնասվածքներ: