Խանտի-Մանսիյսկում ընթացող շախմատի համաշխարհային առաջնությունում Հայաստանի տղամարդկանց հավաքականը 3.5-0.5 հաշվով հաղթեց Ավստրալիայի ընտրանուն: Արոնյանը, Սարգսյանն ու Փաշիկյանը հաղթեցին, Հակոբյանը ոչ-ոքի խաղաց: Ցավոք, մեր աղջիկներն անհաջող անցկացրին այս տուրը: 4-րդ տախտակի վրա հանդես եկող Նելլի Աղինյանը պարտվեց սեւերով, իսկ Լիլիթ Մկրտչյանը ոչ-ոքի խաղաց նույն խաղաքարերով: Սպիտակներով պարտվեց նաեւ Լիլիթ Գալոյանը, իսկ Էլինա Դանիելյանը հաղթեց. Հայաստան-Չեխիա` 1.5-2.5: