Տեսանյութեր
Լուսանկարներ
Հալածու՞մ են Ավետիս Բարդակջյանին
Երեկ «Ավետիս» հեռուստաընկերությունը հաղորդագրություն էր տարածել, որտեղ ասվում էր. «Պարոն Բարդակջյանն ընտանիքով դիմագրավում է զանազան հալածանքների պետական մի շարք մարմինների կողմից, իսկ այս անգամ` քաղաքաշինական աշխատանքներ իրականացնելու թույլտվություն տվող անձանց կողմից, որի համար հրավիրված է քննարկման` պարզաբանումներ տալու նպատակով»: Հեռուստաընկերության տնօրեն Ավետիս Բարդակջյանը քաղաքում չէր, եւ մեզ չհաջողվեց նրանից իմանալ, թե ինչ հալածանքների է ենթարկվել: Մենք զանգեցինք հաղորդագրության տակ նշված համարով եւ տեղեկացանք, որ պարոն Բարդակջյանը ավտոտնակի հարթակ կառուցելու համար շինարարական աշխատանքներ կատարելու նպատակով 13 ամիս առաջ դիմել է քաղաքապետարան, եւ նրան դեռեւս թույլտվություն չեն տվել: Իր նկատմամբ ձեռնարկված «հալածանքների» մասին ավելի մանրամասն պարզաբանումներ պրն Բարդակջյանը կտա այսօր:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել