Տեսանյութեր
Լուսանկարներ
Սերժ Սարգսյանն այցելել է «Գրանդ Քենդի» ընկերություն
Նախագահ Սերժ Սարգսյանն այսօր այցելել է «Գրանդ Քենդի» ընկերություն` հանրապետության սննդի արդյունաբերության առաջատարներից մեկը համարվող այդ ընկերության հիմնադրման 10-ամյակի կապակցությամբ: Հանրապետության ղեկավարը շրջել է «Գրանդ Քենդի»-ի արտադրամասերում, ծանոթացել տեխնոլոգիական հնարավորություններին ու արտադրության պայմաններին, զրուցել աշխատակիցների հետ:
Շրջայցին հաջորդած խորհրդակցության ժամանակ ընկերության սեփականատերը Սերժ Սարգսյանին ներկայացրել է «Գրանդ Քենդի»-ի գործունեության անցած տասը տարվա ընթացքում գրանցված հիմնական ցուցանիշները եւ ընկերության առաջիկա ծրագրերը: Նշվել է, որ «Գրանդ Քենդի»-ի աշխատողների թիվն այժմ մոտ երկու հազար է, աշխատանքն ամբողջությամբ իրականացվում է արդի տեխնոլոգիաներով եւ սարքավորումներով, ընկերությունում ներդրված է որակի վերահսկողության ժամանակակից համակարգ:
Նախագահը հաջողություն է մաղթել ընկերությանը` զարգացման հետագա ծրագրերի իրագործման ընթացքում: Այս մասին տեղեկացնում է նախագահի մամլո գրասենյակը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել