Քիչ առաջ ավարտվեց շախմատի օլիմպիադայի Հայաստան-Լեհաստան հանդիպումը: Մեր քառյակից միակ հաղթանակը Մաչեյայի նկատմամբ տարավ Գաբրիել Սարգսյանը, ով խաղում էր սեւերով: Մյուսները կիսեցին միավորը: Այսպիսով` 8 տուրից հետո մեր թիմը վաստակել է 13 միավոր: Առաջատարներից Ռուսաստան-1-ն այս պահին 2-1 հաշվով հաղթում է Ուկրաինային, իսկ Ադրբեջանը` նույն հաշվով Հունգարիային: Այս պահին մեր աղջիկները ոչ-ոքի են խաղում Իսրայելի հետ. Դանիելյանը հաղթել է, Մկրտչյանը` ոչ-ոքի խաղացել, իսկ Աղինյանը` պարտվել: Սպիտակներով պարտիան շարունակում է Գալոյանը: