Հայաստանի կանանց հավաքականն այսօր մեկ միավորի տարբերությամբ հաղթեց Իսրայելի թիմին: Սպիտակներով հանդես եկող Դանիելյանն ու Գալոյանը 1-ական միավոր բերեցին մեր թիմին, Մկրտչյանը սեւերով ոչ-ոքի խաղաց, իսկ Աղինյանը պարտվեց: 8 տուրից հետո մեր թիմը վաստակել է 11 միավոր: Կանանց առաջատար Ռուսաստան-1-ը 3,5-0,5 հաշվով հաղթեց Հնդկաստանին ու  վաստակեց ընդհանուր 16  միավոր, իսկ Վրաստանն ու Սերբիան 2-2 խաղացին:  Տղամարդկանց մրցաշարում միանձնյա առաջատար Ուկրաինան միավորներ կորցրեց` 2-2 խաղալով Ռուսաստան-1-ի հետ: Նույն հաշվով ավարտվեց Հունգարիա-Ադրբեջան մրցավեճը: Այժմ 14 միավորով աղյուսակը շարունակում է գլխավորել Ուկրաինան, Հայաստանը, Ռուսաստան-1-ը, Հունգարիան, Վրաստանը, Ֆրանսիան ու Ադրբեջանն ունեն 13-ական միավոր: