![](/static/articles/47/65/l-awYxUtsisc.jpg)
Արտուշ Հակոբյանն ի՞նչ կապ ունի ավազակների ու լավաշի արտադրամասի սեփականատերերի հետ
Այսօր slaq.am կայքը գրել է, որ «Գառնու Սուրիկի լավաշ» հացի արտադրական ձեռնարկության սեփականատերերից մեկի որդին կասկածվում է օրերս Մյասնիկյան պողոտայում վնասազերծված ավազակային խմբի հետ կապ ունենալու մեջ: Մամուլում կասկածվողի անունը նշվեց Հայկ Հակոբյան:
Երբ զանգահարեցինք արտադրամաս, երկու կին աշխատակիցները՝ մենեջերն ու հաշվապահը, կոպիտ տոնով պատասխանեցին, թե Հայկ Հակոբյան անուն-ազգանունով մարդ իրենց մոտ չի աշխատում, և նա սեփականատերերի հետ կապ չունի, իսկ լրագրողներին սպառնացին, թե պատասխան են տալու դրա համար:
Քիչ առաջ հայտնի դարձավ, որ կասկածվողի անունը ոչ թե Հայկ է, այլ Արտուշ Ռուբիկի Հակոբյան: Նրա նկատմամբ սեպտեմբերի 24-ին կիրառվել է երկամսյա կալանք:
Երբ երկրորդ անգամ զանգահարեցինք ընկերության հեռախոսահամարներից մեկով, որը բջջային հեռախոսահամար է, որպեսզի ճշտենք՝ արդյոք Արտուշ Հակոբյանը կապ ունի՞ ընկերության սեփականատերերի հետ, դարձյալ արտադրամասի հաշվապահը պատասխանեց հեռախոսազանգին: Վերջինս նույն հեգնական տոնով ասաց, որ ««Սուրիկի լավաշի» հետ, որպես սեփականատեր, ոչ մի կապ չունի: Ինչի՞ եք այդ ամբողջն ինձ հարցնում, դուք կարող եք դա ճշտել, կապ չունի նա ընդհանրապես»:
Առավոտից այդպես էլ չենք կարողանում «համոզել» ընկերության երկու կին աշխատակցուհիներին, որ նրանք հեռախոսով միացնեն սեփականատերերի հետ, կամ ասեն վերջիններիս հեռախոսահամարները, որպեսզի ճշտենք լուրի հավաստիությունը:
Մեկնաբանել