Նախօրեին` ժամը 20:00-ին, հիվանդանոցից ոստիկանության Մասիսի բաժնում հաղորդում է ստացվել, որ «գանգուղեղի հեմատոմա, աջ ձեռքի 2-րդ մատի միջին ֆալանգի փակ կոտրվածք` առանց տեղաշարժի, և մարմնի տարբեր շրջանների արյունազեղումներ» ախտորոշմամբ իրենց մոտ է ընդունվել 20-ամյա Զարուհի Պետրոսյանը: Նա հիվանդանոցում հայտնել է, որ գլխապտույտի հետևանքով վայր է ընկել: Զարուհի Պետրոսյանը հենց երեկ տեղափոխվել է «Էրեբունի» Բ/Կ, որտեղ ժամեր անց մահացել է: «Հանգամանքները պարզվում են, կատարվում է նախաքննություն»,- տեղեկացնում են ոստիկանության լրատվության վարչությունից: