Տեսանյութեր
Լուսանկարներ
Նամազը մեղմում են խաչի տեղադրմամբ
Թուրքերը վերջապես տեղադրեցին խաչը Աղթամարի Սուրբ խաչ եկեղեցու գմբեթին: «Երկու շաբաթվա մեջ լավ է, որ թուրքական նորագույն տեխնոլոգիաներին հասու դարձավ, և կարողացան այդ 200 կգ-անոց խաչը տեղադրել եկեղեցու գմբեթին»,- այս կապակցությամբ հեգնանքով նկատեց Հայկ Դեմոյանը:
Ի դեպ, թուրքական մամուլը գրել է, որ իրականում խաչը ընդամենը 70 կգ է կշռում:
«Ամբողջ խնդիրն այն է, որ խաչի տեղադրումը արարողությունից առաջ խիստ հուզական և խորհրդանշական իմաստ պետք է ունենար, և սա չէր կարող հաշվի չառնել թուրքական կողմը: Բայց իրենց համար կարևոր էր, որ խաչի տեղադրումը լիներ առանց հայի ներկայության, կրեր զուտ մեխանիկական բնույթ»,- ավելացրեց Դեմոյանը:
Նրա գնահատմամբ, թուրքական կառավարության այս քայլը պարզապես խորամանկություն էր. «Անիի մայր տաճարում թուրք Դևլեթ Բահչելիի նախաձեռնած նամազի տեղեկատվական հոսքերը մեղմելու նպատակ ուներ նաև խաչի տեղադրումը»:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել