Երեկ ուշ գիշերին Նոր Նորքի ոստիկանությունը ահազանգ է ստացել այն մասին, որ Բագրեւանդ թաղամասում (ՊՆ շենքի մոտ) հայտնաբերվել է տղամարդու դիակ: Ֆոտոլրագրող Գագիկ Շամշյանի փոխանցմամբ` դեպքի վայր են ժամանել Երեւանի ՃՈ պետ Արսեն Արշակյանը, Նոր Նորքի ոստիկանապետ Մուշեղ Օհանյանը: Դեպքի վայրում` դիակի հարեւանությամբ, հայտնաբերվել է ոստիկանի ծառայողական վկայական, որի մեջ գրված է` «ոստիկանության ավագ լեյտենանտ Տիգրան Ռոբերտի Սահակյան»: Հայտնաբերվել է նաեւ բջջային հեռախոս, հիշողության կրիչ, բանալիներ: Ոստիկանության  Նոր Նորքի բաժնում այս կապակցությամբ նյութեր են նախապատրաստվում: Լուս.` Գագիկ Շամշյանի