Մեր տեղեկություններով` Վլադիմիր Գասպարյանի փոխարեն հնարավոր է ՀՀ ՊՆ ռազմական ոստիկանության պետ նշանակվի նրա տեղակալ Հայկ Ստեփանյանը: Շրջանառվում է նաեւ ՌՈ Կոտայքի մարզային կայազորի ղեկավար Ռոմիկ Մկրտումյանի անունը: Իսկ մեր թղթակցի հարցին, թե որպես պաշտպանության նախարարի տեղակալ` Վ. Գասպարյանը հատկապես ո՞ր ոլորտն է համակարգելու, ՊՆ տեղեկատվության վարչությունից չեն պատասխանել: Որոշ տեղեկությունների համաձայն` Վ. Գասպարյանի լիազորությունների ներքո են լինելու նույն ռազմական ոստիկանությունը, ՊՆ հատուկ քննչական ծառայությունը: Նա վերահսկելու է նաեւ զինդատախազության աշխատանքները: