![](/static/articles/47/76/l-I7DTWq7iEb.jpg)
«Առավոտ». Բեգլարյանին դատի են տվել
«Առավոտին» հայտնի դարձավ, որ «Նորաշեն 2007» սպառողական կոոպերատիվից խաբված որոշ բնակիչներ դիմել են դատարան՝ իրենց գույքը հետ ստանալու պահանջով: Մասնավորապես, դատական հայցեր են ներկայացվել ընդդեմ ՀՀԿ-ական պատգամավոր Հերմինե Նաղդալյանի ամունու՝ Դավիթ Բեգլարյանի: Պարզվել էր, որ պրն Բեգլարյանը այդ շենքից միանգամից 14 բնակարան էր ձեռք բերել:
Ստեփականատերերից մի մասի հետ գալով որոշակի պայմանավորվածության՝ «Առավոտի» տեղեկություններով՝ Դ.Բեգլարյանը բնակարանների մի մասը վերադարձրել է, սակայն մի քանիսի համար դեռևս պայքարում է:
«Նորաշեն 2007» սպառողական կոոպերատիվի գործը հատուկ քննչական ծառայության վարույթում է, որն արդեն մի քանի ամիս է, ձգվում է: Այդ գործով ձերբակալվածներից ոմանք բնակարանները վերադարձրել են իրենց իրական տերերին: Չնայած այն բանին, որ բնակարանների մի մասը գնել է Դ.Բեգլարյանը, սակայն ՀՔԾ-ն նրանով չի հետաքրքրվում:
Պարոն Բեգլարյանը ներկայումս պաշտոնատար անձ է և զբաղեցնում է Էջմիածնի հարկայինի պետի պաշտոնը:
Մեկնաբանել