Գործարար պատգամավորները «լուսանցքից» դուրս
Հունվարի 1-ից մինչեւ սեպտեմբերի 24-ը, հանրապետական տպագիր մամուլը ԱԺ-ի մասին գրել է 267 նյութ: Ըստ Գրադարանի վարիչ Ֆաթմա Խաչատրյանի` մամուլն ԱԺ-ին ավելի շատ է անդրադարձել, քան այլ պետական մարմիններին: Ներկայացված թվի մեջ չի մտնում պատգամավորներին վերաբերող հրապարակումները:
Պարզվում է` մամուլն այնքան էլ չի անդրադարձել հատկապես օլիգարխ պատգամավորներին, որոնք ավելի շատ բիզնեսմեն են, քան ընտրովի պաշտոնյա: Ըստ ԱԺ գրադարանի տրամադրած տեղեկության` նշված ժամանակահատվածում Գագիկ Ծառուկյանի մասին եղել է ընդամենը 15 հրապարակում, 9 հոդված էլ վերաբերել է Սամվել Ալեքսանյանին:
Փոխարենն ակտիվ են եղել հատկապես Էդուարդ Շարմազանովի եւ Գալուստ Սահակյանի մասին հրապարակումները` համապատասխանաբար 96 եւ 92 հոդված: «Ժառանգությունից» ակտիվ է եղել Ստեփան Սաֆարյանը. նրա մասին տպագիր մամուլում հրապարակվել է 80 հոդված: Հեղինե Բիշարյանի մասին եղել է 40, իսկ Վահան Հովհաննիսյանի` 31 հոդված:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել