«Վերջին մի քանի ամիսների ընթացքում որեւէ բանակցություն թուրքական կողմի հետ տեղի չի ունենում, մոտակա ժամանակներում էլ չի նախատեսվում»,- այսօր Ազգային ժողովում հայտարարեց ՀՀ ԱԳ նախարար Էդվարդ Նալբանդյանը: Պատգամավոր Ստյոպա Սաֆարյանն էլ հետաքրքրվեց` արդյոք իրականությանը համապատասխանո՞ւմ են այն լուրերը, թե Շվեյցարիայի արտգործնախարարը նորից պատրաստակամություն է հայտնել, որպես միջնորդ հանդես գալ հայ-թուրքական հարաբերությունների կարգավորման հարցում: Նախարարն ասաց, որ Շվեյցարիայի արտգործնախարարն արդեն հայտարարել է, որ նման բանակցություններ չեն ընթանում, եւ ինքը ավելացնելու որեւէ բան չունի: «Բանակցությունները կսվերսկսվեն այն ժամանակ, երբ Թուրքիան նորից պատրաստ կլինի առանց նախապայմանների գնալ հարաբերությունների կարգավորմանը»,- ավելացրեց նախարարը: