Շիրակի մարզի ընդհանուր իրավասության դատարանի որոշմամբ երեկ ոստիկանության Գյումրիի բաժնի ծառայողները 1976 թ. ծնված Արմեն Ղ.-ի տանը կից օժանդակ կառույցում խուզարկությամբ հայտնաբերել և առգրավել են մոտ 6 կիլոգրամ 150 գրամ մարիխուանա տեսակի թմրանյութի նմանվող զանգված: «Նշանակվել է դատաքիմիական փորձաքննություն: Ձեռնարկվում են միջոցառումներ Արմեն Ղ.-ին հայտնաբերելու ուղղությամբ: Կատարվում է հետաքննություն»,- հաղորդում են ոստիկանության լրատվության ծառայությունից: