ՀՀ Մարդու իրավունքների պաշտպան Արմեն Հարությունյանը հայտարարել է, թե Հայ ազգային կոնգրեսի հանրահավաքներն Ազատության հրապարակում արգելելու վերաբերյալ քաղաքապետարանի որոշումները ոչ իրավական, որ քաղաքական տեսակետից խախտում չեն պարունակում: «ՉԻ» - Արմեն Հարությունյանը «և իրավական, և քաղաքական տեսանկյունից» միանգամայն ճիշտ է: Նա, ինչպես հայտնի է, մարդու իրավունքների պաշտպանն է: Երևանի քաղաքապետը մարդ է, հետևաբար` պրն Հարությունյանն այս հայտարարություններով կատարում է իր անմիջական պարտականությունները: Պե՞տք է ինչ-որ պահի ազատվել «ամենաանհաջող կադրի» պիտակից, թե՞ ոչ: Այլ հարց է, որ իշխանություններն ամեն անգամ պարզապես «չորով» մերժում են ընդդիմության իրազեկումները և նույնիսկ մի քանի տասնյակ երիտասարդների վրա հարձակվում, եթե նրանք փորձում են մտնել Ազատության հրապարակ: Ու հաստատ չարժե այդ ամենն արդարացնել «Եվրոպական կոնվենցիայով և Մարդու իրավունքների եվրոպական դատարանի նախադեպով»: Այդ դատարանում ուրիշ նախադեպեր էլ կան: Չեք հավատում` Սադամ Հուսեյնին ու Միլոշևիչին հարցրեք: