Երեկ կեսօրին Հայաստանի վարչապետ Տիգրան Սարգսյանը, փոխվարչապետ Արմեն Գևորգյանը և Երևանի քաղաքապետ Գագիկ Բեգլարյանը շտապում էին գնալ «Հայ-ֆրանսիական ապակենտրոնացված համագործակցության առաջին համաժողովի» շրջանակներում Հայաստանի պատմության թանգարանում կազմակերպված միջոցառմանը մասնակցելու:Բարձրաստիճան պաշտոնյաներն ուշանում էին, իսկ նրանց սպասող մարզպետներն ու քաղաքապետերը անհանգիստ նայում էին ժամացույցներին: Եվ ինչքան էլ որ վարչապետն ու նրան ուղեկցողները ուշանում էին, այնուհանդերձ, նրանք չխախտեցին ճանապարհային երթևեկության կանոնները և համբերատար սպասեցին այնքան, մինչև լուսակրի վրա վառվեց հետիոտնին ճանապարհ տվող կանաչ լույսը: «Տեսնում ես, անցանք կանաչ լույսի տակով»,- ուրախությամբ արձանագրեցին նրանք: