Արդեն մի քանի օր է` Ախալցխայում սկսվել է Երևման Սուրբ Խաչ եկեղեցու վերանորոգման աշխատանքները։ Հիշեցնենք, որ Ախալցխայի Երեւման Սուրբ Խաչ հայկական կաթոլիկ եկեղեցին օգտագործման իրավունքով տրամադրվել էր Վատիկանի կաթոլիկ եկեղեցուն: Ինչպես «Հետքին» տեղեկացնում են ախալցխացիները, շինարարական աշխատանքների մեկնարկն օրհնել են  Վրաստանում Վատիկանի կաթոլիկ եկեղեցու ներկայացուցիչ Ջուզեպե Պազոտոն և Ախալցխայի կաթոլիկ համայնքի հոգևորական Զուրաբ Կակաչիշվիլին: Շինարարներն արդեն վերակառուցել են եկեղեցու մի մասը, իսկ խորանի հատվածը շարել են բլոկով (մեծաղյուսով): Հիշեցնենք նաև, որ մարքման աշխատանքներ իրականացնելու պատրվակով այս տարի ապրիլին բանվորները քանդել էին Երևման Սուրբ Խաչ եկեղեցու խորանը և մի կամար: Խորանը քանդելիս դուրս էր եկել հայկական արձանագրություններով խաչքար, որը եկեղեցու մոտ կուտակված քարերի շարքում էր հայնտվել։