ՀՀ նախագահ Սերժ Սարգսյանն ավարտել է իր աշխատանքային այցը Միացյալ Նահանգներ և երկօրյա պաշտոնական այցով մեկնել Ֆրանսիա:

Սեպտեմբերի 26-ին նախագահը մասնակցել է Լոս Անջելեսի քաղաքապետ Անտոնիո Վիյյարագոսայի կողմից ի պատիվ Հայաստանի նախագահի տրված ընդունելությանը:

«Ես շատ ուրախ եմ, որ հայ-ամերիկյան հարաբերությունները վերջին տարիների ընթացքում բավականաչափ ամրապնդվել են: Մենք ունենք հազարամյակների պատմություն, բայց նշում ենք մեր անկախության 20-ամյակը: Մենք երիտասարդ ժողովրդավարության երկիր ենք, բայց 1700 տարի ղեկավարվել ենք այդ գաղափարներով»,- ասել է Սերժ Սարգսյանը: