Օրերս «Հրապարակում» լուր էր տպագրվել, որ ԱԺ փոխխոսնակ, գյումրեցի գարեջրագործ Սամվել Բալասանյանը մատուռ է կառուցել Ախուրյանում, եւ նրան անվանել էր «աստվածավախ Բալասանյանը»: Սամվել Բալասանյանը խորհրդարանում թերթի թղթակցին հանդիպելով` խիստ ազդված հայտարարել է, թե դա իր դեմ պատվեր է: «Գրել եք` աստվածավախ Բալասանյանը, բա կարելի՞ է մարդուն վիրավորել»,- հայտարարել է ԱԺ նորընտիր փոխխոսնակը: Թղթակիցը փորձել է բացատրել, որ աստվածավախ լինելը վիրավորանք չէ, հակառակը` պատվաբեր է, սակայն Բալասանյանը անդրդվելի է մնացել: