ԵԽԽՎ աշնանային նստաշրջանում Թուրքիայի եւ Ադրբեջանի կողմից Հայաստանի նկատմամբ իրականացվող քաղաքականության վերաբերյալ ԲՀԿ պատվիրակ Նաիրա Զոհրաբյանի ելույթներն ունեցել են յուրօրինակ արձագանք: Ինչպես «Առավոտին» պատմեց տիկին Զոհրաբյանը, ԵԽԽՎ-ում Հայաստանի պատվիրակության սենյակ է այցելել մի տղամարդ. «Փաստաթղթերի մեծ փաթեթ հանձնեց Օջալանի հիմնադրած Քրդական բանվորական կուսակցության կողմից: Ասաց, թե պատրաստ են այսուհետ եւս տրամադրել անհրաժեշտ տեղեկատվություն` Թուրքիայում ժողովրդավարության աղետալի վիճակի վերաբերյալ` հաշվի առնելով, որ ինչպես ինքն ասաց, ես շատ շահագրգիռ եմ ԵԽԽՎ ամբիոնից այդ հարցերն արծարծելու առումով»: