Հեռուստատեսության եւ ռադիոյի ազգային հանձնաժողովը որոշել է մինչեւ հոկտեմբերի 22-ը գաղտնի պահել հեռարձակման արտոնագրերի համար հայտարարված մրցույթին մասնակցելու հայտ ներկայացնող ընկերությունների անունները: Հայտերի ընդունումը նախատեսված է հոկտեմբերի 10-ից մինչեւ 20-ը` ներառյալ: Մրցույթի են հանված ընդհանուր ուղղվածությամբ վեց (5-ը համապետական եւ մեկը` մայրաքաղաքային ծածկույթով), մեկ միջազգային եւ տեղեկատվական լրատվական-վերլուծական, երեք ժամանցային, մեկ մանկական ուղղվածությամբ հեռարձակման արտոնագրեր: ՀՌԱՀ-ի հանրային կապերի եւ մամուլի պատասխանատու Լիլիթ Գազազյանը մեր թղթակցի հետ զրույցում կտրականապես հրաժարվել է մինչեւ հայտատուների ցանկի հրապարակման` օրենքով նախատեսված օրը` հոկտեմբերի 22-ը, ասել, թե որ ընկրերություններն են հայտեր ներկայացրել: