2010թ. հունիսի 28-ի դրությամբ ՀՀ կառավարությունը փաստացի ստացել է 127.601 մլն ՀՓԻ։ Հայկական կողմի խնդրանքով ԱՄՀ գործադիր խորհուրդը Հայաստանի համար հաստատել է 266.8 մլն ՀՓԻ-ի նոր ծրագիր և չեղյալ համարել նախորդ` օժանդակության ծրագիրը։ Նոր` «Երկարաժամկետ վարկային գործիք» ծրագրով ԱՄՀ-ն նախատեսում է բյուջետային աջակցության վարկային միջոցները Հայաստանի Հանրապետությանը տրամադրել 0 տոկոս դրույքաչափով։ Կառավարությունն այսօրվա նիստում համաձայնություն է տվել «ՀՀ կառավարության և Արժույթի միջազգային հիմնադրամի միջև 2009թ. հունիսի 29-ին և 2009թ. հունիսի 30-ին ստորագրված «202.400 մլն հատուկ փոխառության իրավունքին (ՀՓԻ) համարժեք գումարի չափով վարկ տրամադրելու մասին» նամակների փոխանակման ձևով կնքված համաձայնագրում փոփոխություններ կատարելու մասին» նամակների փոխանակման ձևով կնքվող համաձայնագրի կնքման առաջարկությանը։