Նախօրեին` ժամը 16:14-ին, Սյունիքի մարզի Քարահունջ համայնքի գյուղապետից Փրկարար ծառայությունում տեղեկություն է ստացվել, որ գյուղին հարակից տարածքում ակտիվացել է սողանք: Գորիսի ՀՓՋ-ի օպերատիվ խումբը տեղում պարզել է, որ գահավիժել են մոտ 300 տ ժայռաբեկորներ` փլուզելով որպես անասնագոմ օգտագործվող քարանձավը: Փլուզման հետևանքով սատկել է 1 կով, քարածածկվել է 400 հակ անասնակեր: «Դեպքի մասին տեղեկացվել է մարզային քաղաքաշինության վարչությունը»,- հաղորդում են Փրկարար ծառայության մամլո գրասենյակից: