Տեսանյութեր
Լուսանկարներ
Լեւոն Խեչոյանը հերքում է
Վերջին շրջանում «Հետք», «Հայկական ժամանակ» թերթերի եւ մի շարք այլ հրատարակությունների ինտերնետային կայքերում նյութերին մեկնաբանություններ (comment) են արվում՝ Լ. Խեչոյան ստորագրությամբ: Ինչ-որ մարդիկ, որ համարձակություն չունեն սեփական անուն-ազգանունով ստորագրելու, թաքնվում են հայտնի գրողի անվան տակ՝ իրենց պռատ մտքերն ու հայհոյախառն արտահայտությունները հրամցնելով ընթերցողներին:
Մի քանի լրատվամիջոցների հարցմանն ի պատասխան արձակագիր Լեւոն Խեչոյանն ասաց, որ ինքը էլեկտրոնային էջեր հազվադեպ է այցելում, իսկ նյութերի մեկնաբանություններ (comment) երբեք չի գրել եւ չի գրում: Նա նաեւ խնդրեց կայքերի պատասխանատուներից, այսուհետեւ Լ. Խեչոյան կամ Լեւոն Խեչոյան ստորագրությամբ նման մեկնաբանություններ հանդիպելիս անմիջապես ջնջել դրանք կայքից:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել