Ռուսաստանի Կրասնոդարի մարզում ջրհեղեղների հետևանքով զոհված 14 անձանց թվում կա երկու հայ՝ 33-ամյա Արթուր Աբովյանը և 73-ամյա Ալբերտ Մնացականյանը։ Երկուսն էլ Հայաստանի քաղաքացիներ են։ Ինչպես տեղեկացրեց արտգործնախարարության մամլո խոսնակ Տիգրան Բալայանը, զոհերից մեկի հարազատները դիմել են ԱԳՆ՝ դիակի տեղափոխման գործում աջակցության համար։ Նախարարությունը զբաղվում է այդ հարցով։