Գյուղերում խոսակցություններ են տարածվում, որ ոռոգման ջրի սակագինը թանկանալու է: Ինչպես «Հետքին» տեղեկացրեց Ջրային պետական կոմիտեի լրատվության պատասխանատու Աննա Մուրադյանը, կոմիտեն հանրապետության ամբողջ տարածքում 2011 թվականին անփոփոխ է թողնելու նաեւ ոռոգման ջրի սակագինը` 1 խմ թողնելով 11 դրամ: «2011 թվականի համար հանրային ծառայությունները կարգավորող հանձնաժողովին Ջրային պետական կոմիտեն սակագնի բարձրացման հայտ չի ներկայացնելու: Կոմիտեի 2011 թվականի բյուջեի նախագծում սակագնի փոփոխություն նախատեսված չէ»,- ավելացրեց Ա. Մուրադյանը: