«Խնդրում եմ՝ լավանդա բառը չակերտների մեջ մի դրեք, գրեք բաց, որովհետև մարդիկ ինձ այդպես են ճանաչում։ Իմ Հայրապետյան ազգանունը ես չգիտեմ, թե որտեղից է գալիս, և ուզում էի փոխել ազգանունս և գրվել Արայիկ Լավանդա, բայց պարզվեց՝ բոլոր փաստաթղթերս՝ դիպլոմներ և այլն, հարկ էր լինելու փոխել, և այդ պատճառով միայն դրա հետևից չգնացի։ Բայց էլի եմ ասում՝ սա իմ մականունը չէ, սա մականուն չէ, եթե կուզեք, սա իմ ազգանունն է՝ Լավանդայի Արայիկ»,- թերթի հետ զրուցում, պատասխանելով այն դիտարկմանը, թե մարդիկ իրեն մականունով են ճանաչում, ասել է գործարար Արայիկ Հայրապետյանը, նույն ինքը՝ Լավանդայի Արայիկը։ «Ա1+»-ը ՀՌԱՀ-ին մրցույթի մասնակցելու հայտ ներկայացրեց Երեկ «Ա1+» հեռուստաընկերությունը Հեռուստատեսության և ռադիոյի ազգային հանձնաժողովին թվային հեռարձակման ցանցի միջոցով հեռուստածրագրերի եթերային հեռարձակում իրականացնելու մրցույթին մասնակցելու հայտ է ներկայացրել։ «Ա1+»-ը մասնակցում է միջազգային և տեղական լրատվական-վերլուծական ուղղվածության հեռուստաալիքի կապուղի ստանալու մրցույթին և ծրագրում է աշխատել 24-ժամյա ռեժիմով։ Հիշեցնենք, որ «Ա1+»-ը 2002թ. ապրիլի 2-ի եթերազրկումից ի վեր հեռուստահեռարձակման լիցենզավորման մրցույթին արդեն 13-րդ անգամ է մասնակցում։