Տեսանյութեր
Լուսանկարներ
Փաստաբանը հրաժարվեց Արմեն Կիլինկարովի պաշտպանությունից
Այսօր Լոռու մարզի ընդհանուր իրավասության դատարանում նշանակված էր ազգությամբ հույն Արմեն Կիլինկարովի քրեական գործով առաջին դատական նիստը: Հիշեցնենք, որ Արմեն Կիլինկարովը մեղադրվում է սպանության մեջ:
Փաստաբան Ադելինա Հակոբյանը դատարանին հայտնեց, որ հրաժարվում է Արմեն Կիլինկարովի պաշտպանությունից, քանի որ վերջինս անվճարունակ է:
ՌԴ-ից վերադառնալուց հետո, մեկ տարուց ավելի գտնվելով կալանավայրում, Արմեն Կիլինկարովը մատնված է եղել անգործության, չի աշխատել, և նրա ներկայիս ֆինանսական վիճակը թույլ չի տալիս դատաքննության համար սահմանված պայմանագրային կարգով վճարել փաստաբանին:
Ճշտվեց նաև ամբաստանյալի ընտանեկան կարևավիճակն ու ընտանիքի սոցալական վիճակը. Կիլինկարովի կինը չի աշխատում, դուստրն անչափահաս է: Դատարանին միջնորդություն ներկայացվեց հանրային պաշտպան նշանակելու համար:
Դատարանը նաև պարզեց, որ Արմեն Կիլինկարովը ՀՀ քաղաքացիություն չունի: Չունի նաև ՌԴ անձնագիր: Իսկ ՌԴ-ում բնակվել է հին սովետական անձնագրով: Արմեն Կիլինկարովը չգիտեր` Հայաստանում գրանցման հասցե ունի, թե ոչ:
Դժվարացավ պատասխանել նաև հարցին` արդյոք հաշվառվա՞ծ է Ալավերդի քաղաքի այն հասցեում, որտեղ ընտանիքն է ապրում:
Գործի քննությունը հետաձգվեց մինչև նոյեմբերի 4-ը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել