Տեսանյութեր
Լուսանկարներ
Կասկածում են
«ՀԺ» հավաստի տեղեկություններով` երեկ ՀՀ կենտրոնական բանկից հայաստանյան բոլոր բանկերին զգուշացրել են, որ իրենց մոտ ստուգումներ են սկսվելու, եւ բանկերը պետք է հավուր պատշաճի պատրաստ լինեն դրան: ԿԲ-ից տեղեկացրել են, որ ստուգումներին մասնակցելու են նաեւ ԱՄՆ դաշնային հետաքննությունների բյուրոյի (FBI) աշխատակիցները, որոնք Հայաստան են ժամանել հոկտեմբերի 13-ին ԱՄՆ-ում ձերբակալված հայկական հանցավոր խմբի անդամների կապերը պարզելու նպատակով:
Խնդիրն այն է, որ հանցավոր խմբի անդամները խոշոր չափերի գումարներ են տեղափոխել Հայաստան, այդ թվում նաեւ բանկային փոխանցումներ ձեւով, եւ ամերիկացիների տեղեկություններով, այդ գումարներն այստեղ լվացվել են, մասնավորապես` անշարժ գույքի հետ կապված գործարքների միջոցով:
Ուշագրավն այն է, որ փոխանցումների մասին հիմնական տեղեկատվությունը պահվում է ՀՀ ԿԲ-ում, սակայն, ինչպես երեւում է, ամերիկացիները կասկածում են դրանց հավաստիությանը եւ անձամբ են ուզում ստուգել ամեն ինչ յուրաքանչյուր բանկում:
Ախպոր ախպերը
Չարբախցի Լյովիկ անունով հայ հանրությանը հայտնի քրեական հեղինակություն Լեւոն Ղազարյանը, պարզվում է` ԱՄՆ-ում բացահայտված հայկական հանցավոր խմբի պարագլուխ, «օրենքով գող» Արմեն Ղազարյանի` Պզոյի հորեղբոր տղան է:
Սա Սերժ Սարգսյանի եւ Պզոյի կապը հաստատող եւս մեկ ապացույց կարող է հանդիսանալ, քանի որ Չարբախցի Լյովիկը համարվում է Սարգսյանի եղբոր` Սաշիկ Սարգսյանի հովանավորյալը:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել