Հայաստանի ժամանակակից արվեստը կրեց մեծ կորուստ: Ցավով հայտնում ենք, որ այսօր մահացել է գեղանկարիչ Վիգեն Թադևոսյանը: Նա ժամանակակից արվեստի նշանավոր դեմքերից էր` վերացական արվեստի ամենախոր ըմբռնումների տեր արվեստագետ, վերացական ուղղության  հիմանդիրներից մեկը Հայաստանում: Նա հայկական մոդեռնիզմի և ժամանակակից արվեստի կամուրջներից մեկն էր. նա ինքը` մի առանցք և ջրբաժան: Արվեստագետ-փիլիսոփա, ով ակունքն էր բացահայտում: Վիգենին շատերն իրավամբ «գուռու» էին համարում… Արվեստագետի հուշը պահպանելու լավագույն միջոցը նրա հղած հոգևոր լիցքերը մեր մեջ ընդունելն է: Ցավակցում ենք Վիգեն Թադևոսյանի բոլոր հարազատներին և հայ արվեստի հանրությանը: Լիլիթ Սարգսյան