«Հզոր Թուրքիա» կուսակցության առաջնորդը, ով վերջերս էր հատել հայ-թուրքական սահմանը, հայտարարել է, որ մոտ օրերս գալու է Երևան և մամուլի ասուլիս հարվիրելու։ Այդ կուսակցությունն, ինչպես հայտնի է, ձգտում է անպայման բացված տեսնել հայ-թուրքական սահմանը։ «ՉԻ» - Որքան մեզ հայտնի է, ՀՀ պետական սահմանն ապօրինի հատելու համար քրեական հոդված կա, բայց խնդիրը սա չէ։ Բանն այն է, որ թուրքական այդ կուսակցության պատվիրակությունը մտադիր է նաև արտգործնախարար Էդվարդ Նալբանդյանի հետ հանդիպում խնդրել և քննարկել հայ-թուրքական սահմանի բացման հեռանկարը։ Բան չունենք ասլեու, որպես PR ակցիա՝ լավ է մտածված։ Բայց հետո հանկարծ չստացվի, որ թուրքերը գան, Էդվարդ Նալբանդյանի հետ ինչ-որ հարցեր քննարկեն, իսկ երեկոյան Հայաստանում ռուսական սահմանապահ ուժերի հրամանատարի տեղակալ Գուզեևը հայտարարի, թե նման հանդիպում ընդհանրապես տեղի չի ունեցել, և այդ մարդիկ երբևէ Հայաստան չեն էլ եկել։ Այնպես որ՝ այդ մարդիկ ճիշտ կանեն, եթե հիմնական բանակցությունները վարեն հենց ռուս սահմանապահների հետ։ Բայց թող զգույշ լինեն. մեկ էլ տեսար՝ ձերբակալվեցին։