Տեսանյութեր
Լուսանկարներ
Կօծվի Արարատի Ս. Հակոբ եկեղեցու զանգակատունը
Հոկտեմբերի 31-ին` Ս. Պատարագի ավարտին, Արարատի Ս. Հակոբ եկեղեցում Արարատյան Հայրապետական թեմի առաջնորդական փոխանորդ Տ. Նավասարդ արքեպիսկոպոս Կճոյանի ձեռամբ կօծվի եկեղեցու նորակառույց զանգակատունը:
Ս. Հակոբ եկեղեցին կառուցվել է 1866 թվականին, Պարսկաստանի Մակու քաղաքից ներգաղթած հայերի նախաձեռնությամբ: Զանգակատունը կառուցվել է մեկ տարում տեղաբնակ Ստեփան և Սամվել Վարդանյանների բարերարությամբ:
Ինչպես տեղեկացնում է Արարատյան Հայրապետական թեմի մամլո դիվանը, զանգակատան կառուցումից զատ բարերարներն ամբողջությամբ ստանձնեցին եկեղեցու հարդրաման և դեպի եկեղեցի տանող ճանապարհի ասֆալտապատման աշխատանքները:
Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter
Մեկնաբանել