ՀՀ ԱՎԾ տվյալների համաձայն` այս տարվա առաջին յոթ ամիսներին անցած տարվա նույն ժամանակահատվածի համեմատ արտաքին առեւտրի բացասական հաշվեկշիռը աճել է 224 մլն դոլարով եւ կազմել ավելի քան 1,5 մլրդ դոլար: Այսինքն` այս տարվա նշված ժամանակահատվածում Հայաստանից արտահանված եւ ՀՀ ներմուծված ապրանքների ծավալների տարբերությունը կտրուկ աճել է հօգուտ ներմուծման: Սա ուշագրավ է նրանով, որ Հայաստանը բացասական սալդոյի աճի տեմպերով «առաջատարն» է ԱՊՀ-ում: