Վարչապետ Տիգրան Սարգսյանն այսօր ընդունել է եվրոպական տարբեր երկրներից Հայաստան ժամանած մի շարք լրատվամիջոցների ներկայացուցիչներին։ Հանդիպման ժամանակ Կառավարության ղեկավարը պատասխանել է եվրոպացի լրագրողների հնչեցրած շուրջ մեկ տասնյակ հարցերին, որոնք վերաբերում էին ՀՀ Կառավարության տնտեսական և սոցիալական քաղաքականությանը, ՀՀ տնտեսության առաջնահերթություններին և զարգացման հեռանկարներին, տարբեր երկրների հետ ձևավորված երկկողմ հարաբերություններին ու տարածաշրջանային զարգացումներին։